تطعيم الانفلوانزا
محتويات
- اي هي الانفلوانزا ؟
- اي هي اعراض الانفلونزا؟
- هل ممكن استخدم المضادات الحيوية لعلاج الانفلوانزا ؟
- هل في طريقة ممكن احمي طفلي بيها من الانفلوانزا ؟
- ليه لازم ان طفلي ياخد تطعيم الأنفلونزا؟
- امتى ادي ابني تطعيم الأنفلونزا؟
- يعني لو عدى شهر أكتوبر ماخدش التطعيم ؟
- هل التطعيم ده بياخدوا الاطفال بس ؟
- اي هي التطعيمات اللي بتحمي من الانفلونزا؟
- لو أنا حامل هل لازم اخد تطعيم الانفلوانزا ؟
- هل في اعراض جانبية من تطعيم الانفلوانزا ؟
- هل ممكن ابني يجيله انفوانزا من تطعيم الأنفلونزا؟
- سمعت ان لو حد عنده حساسية من اللاتكس مياخدش التطعيم ؟
- طيب و اللي عندهم حساسية البيض ؟
- لو ابني هيطعم تطعيم تاني ممكن ياخد معاه تطعيم الانفلوانزا ولا في خطورة ؟
- اي هي انواع التطعيمات اللي موجودة واي السن اللي المفروض ياخدها؟
- ما هي الانفلوانزا ؟
- كيف أحمي طفلي من تطعيم الانفلوانزا ؟
- ما هي اشهر انواع لقاحات الانفلوانزا ؟
اي هي الانفلوانزا ؟
هي عدوى فيروسية حادة تنتشر بسهولة بين البشر، بتهاجم الجهاز التنفسي بيصاب بيها الانسان عن طريق الأنف والفم وصولًا إلى الرئتين، وتتراوح ما بين إصابة خفيفة وحادة،وفي منها انواع كتير A ,B,C &D لكن اشهرها واكثرها انتشار هما A,B وبتيجي لكل الفئات العمريةوممكن تصيب الانسان و الحيوان .
اي هي اعراض الانفلونزا؟
يمكن أن تشمل أعراض الأنفلونزا:
- ارتفاع درجة حرارة الجسم (مش شرط ان كل شخص مصاب بالانفلوانزا درجة حرارته ترتفع)
- القشعريرة
- سعال
- إلتهاب الحلق
- سيلان أو انسداد الأنف
- صداع الراس مع قيئ
- آلام في العضلات أو الجسم
- التعب و الاسهال
هل ممكن استخدم المضادات الحيوية لعلاج الانفلوانزا ؟
بما انها عدوى فيروسية فيمنفعش استخدام المضادات الحيوية لعلاجها لان المضادات الحيوية بتقتل البكتريا بس وليس الفيروسات .
هل في طريقة ممكن احمي طفلي بيها من الانفلوانزا ؟
- الحفاظ على النظافة الشخصية
- عدم استخدام متعلقات شخصية لشخص اخر
- نعلم اطفالنا طريقة العطس الصحيحة عشان نقلل من انتشارها
- الاكل الصحي و المفيد الغني بفيتامين سي
- اخد تطعيم الانفلوانزا الموسمي
ليه لازم ان طفلي ياخد تطعيم الأنفلونزا؟
- بما اننا حاليا في جائحة ال كورونا فمنظمة الصحة العالمية بتوصي بشدة ان الكل لازم ياخد تطعيم الانفلوانزا و ده عشان تحمي نفسك من تدهور الاعراض في حالة لو اصبت بالكورونا
- صحيح هو مش بيمنع كل انواع فيروسات الانفلوانزا ولكنه هيقلل فرصة العدوى بيها بنسبة كبيرة وكمان هيسرع من شفاء طفلك لو اصيب بالانفلوانزا.
- هيقلل من مخاطر الإصابة بمضاعفات الإنفلونزا الخطيرة ، خاصة إذا كان طفلك أصغر من 5 سنوات ، أو في أي عمر و عنده اي امراض مزمنة معينة.
- هيساعد في منع انتشار الأنفلونزا إلى العائلة والأصدقاء ، خاصة الأطفال اللي عمرهم اقل من 6 شهور اللي مبياخدوش تطعيم الإنفلونزا.
امتى ادي ابني تطعيم الأنفلونزا؟
- يوصي الأطباء بأن طفلك ياخد تطعيم الإنفلونزا كل سنة في الخريف ، بدءًا من عمر 6 أشهر.
- بالنسبة للاطفال اللي من عمر 6 شهور ل 8 سنين ممكن يحتاجوا ياخدوا اكتر من جرعة عشان يحصل على افضل حماية ممكنة .
- يوصي مركز السيطرة على الأمراض ( CDC) بتطعيم الأنفلونزا بحلول نهاية أكتوبر ، قبل ما الأنفلونزا تبدأ في الانتشار في المنطقة اللي انت فيها .
يعني لو عدى شهر أكتوبر ماخدش التطعيم ؟
رغم ان الافضل تاخده في اكتوبر لكن طبعا لو خدت التطعيم في اي وقت بعد كده حتى لو في شهر يناير هيكون مفيد جدا
إذا كان طفلك قد تلقى سابقًا جرعتين من لقاح الإنفلونزا (في أي وقت) ، فإنه يحتاج فقط إلى جرعة واحدة من لقاح الإنفلونزا هذا الموسم.
هل التطعيم ده بياخدوا الاطفال بس ؟
لا ء وصى مركز السيطرة على الامراض و منظمة الصحة العالمية بتطعيم الانفلوانزا لكل شخص أكبر من 6 شهور خاصة الحوامل حفاظا على صحة الام و طفلها من الانفلوانزا .
اي هي التطعيمات اللي بتحمي من الانفلونزا؟
بالنسبة لموسم الأنفلونزا 2020-2021 ،
أشهر نوعين متوفرين في مصر حاليا هما Vaxigrip و Influvac
واللي بيحموا من كذا نوع من فيروسات الانفلوانزا نوعين من فيروس A و نوعين من فيروس B
لو أنا حامل هل لازم اخد تطعيم الانفلوانزا ؟
أكيد و ده بسبب التغييرات في وظائف المناعة والقلب والرئة اللي بتحصل خلال الحمل و اللي ممكن تبقى سبب في زيادة احتمالية إصابتك بمرض خطير من الإنفلونزا.
هل في اعراض جانبية من تطعيم الانفلوانزا ؟
زي أي دواء في الدنيا ممكن يكون للتطعيم اثار جانبية ، ولكن الآثار الجانبية لتطعيم الإنفلونزا خفيفة بشكل عام وتختفي من تلقاء نفسها في خلال أيام قليلة.
تشمل الآثار الجانبية الشائعة لتطعيم الأنفلونزا:
- وجع ، احمرار ، و / أو تورم في مكان الحقن
- صداع الراس و آلام العضلات
- سخونة (ارتفاع درجة الحرارة )
- غثيان
هل ممكن ابني يجيله انفوانزا من تطعيم الأنفلونزا؟
لاء تطعيم الانفلوانزا مبيسببش الانفلوانزا لكن ممكن تظهر اعراض جانبية اللي قلتها من شوية وتختلط الاعراض بالنسبة ليكي ده غير ان التطعيم ممكن ميديش فعالية غير بعد التطعيم باسبوعين
سمعت ان لو حد عنده حساسية من اللاتكس مياخدش التطعيم ؟
جميع تطعيمات الأنفلونزا المتاحة في عام 2020 خالية من مادة اللاتكس. يمكن تطعيم الأشخاص المصابين بحساسية اللاتكس بأمان
طيب و اللي عندهم حساسية البيض ؟
بناءً على الدراسات على الأشخاص اللي عندهم و حتى اللي معندهمش حساسية بيض (بما في ذلك الحساسية المفرطة للبيض) ، فإن وجود حساسية البيض مش بيزود من خطر حدوث ردود فعل تحسسية من تطعيم الأنفلونزا.
لو ابني هيطعم تطعيم تاني ممكن ياخد معاه تطعيم الانفلوانزا ولا في خطورة ؟
ممكن تدي تطعيم الإنفلونزا بأمان مع أي تطعيمات تانية في نفس اليوم
اي هي انواع التطعيمات اللي موجودة واي السن اللي المفروض ياخدها؟
|
العمر |
اسم المنتج و الجرعة | |
| Influvac Tetra® 0.5ml (Mylan) | Vaxigrip Tetra® 0.5ml (Sanofi) | |
| اقل من 6 أشهر | لا يعطى | لا يعطي |
| من 6 شهورالى سنتين و 11 شهر | لا يعطى | يعطى 0.5 ملل |
| من 3 سنوات الى 4 سنوات و 11 شهر | 0.5 ملل | يعطى 0.5ملل |
| من 5 سنوات و حتى 65 سنة | 0.5 ملل | 0.5ملل |
بالنسبة للأطفال من عمر 6 شهور الى 9 سنوات لو اول مرة ياخد تطعيم الانفلوانزا هيحتاج انه ياخد جرعتين بينهم فاصل شهر .
المراجع :
https://www.cdc.gov/vaccines/parents/diseases/flu.html
